Jasmine Of Damascus

وصلني هالايميل اكتر من مرة خلال السنة الماضية، وعن جد كل ما بقرأه بضحك من قلبي 

على سيرة السرقة الأدبية..يا جماعة، ياللي كتب هالايميل وبعتو يا ريت يتكرم ويتركلي ملاحظة بإسمو حتى ما نكون عم نقتبس بدون توثيق

اسئلة بتقتل

مطمطرء بتختك ونايم وطافي الضو ومتغطي وتمك مفتوح متل مغارة جعيتا بيجي واحد من أهلك بيفتح الباب ويقول: شو نايم؟؟

 لأ !! عم ارقص.. بس الوضع بيوحي إني نايم

***************************

 معزومين ع بيت جماعة ولما بتدقوا الباب بيفتح شي فهمان وبيقول بدهشة: هه، إجيتوا؟؟

 لا والله لساتنا عالطريق، في عجئة بشارع بغداد

***********************

 لابس احلى أواعيك ومتعطر وحامل مفاتيح السيارة وداحل لبرات البيت، بيجي حدا من اهلك بيسألك، شو رايحلك شي مشوار؟

لا والله طالع عالاسطوح صلّح السكر

*************************

حامل سماعة التلفون وعم تبلش تدق بالارقام، بيجيك عنصر مفاجئة من أهلك وعلى وشه علائم الاستغراب والدهشة: بدك تحكي بالتلفون؟

لأ شو احكي، بس كنت عم جرب صوت طنة الأرقام

*******************************

حاطط راسك ونازل دحي بهالكتب والدراسة، بيجي ابوك أو امك بيسألك: عم تدرس؟

لا والله عم غيّر زيت السيارة

****************************

مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد؟ اكيد بتروح بتزور الاهل والقرايب؟

لا والله بالعادة بفكر إلعب دء طميمة وما روح لعندهم

**************************

نفس المذيعة بتشوف ولد بالشارع وبتسأله: حبيبي بتحب بابا وماما؟

لأ ما بحبهم، بحب البوسنة والهرسك

**************************

واحد فايت ع جماعة وشايف الوضع بالشارع معتم والمكتوب مبين من عنوانه، شو مقطوعة الكهربا؟

لأ حبيبي بس هيئتك بدك تعمى

*********************************

بتطلع بميكرو وبتطلع خمس ليرات وبتعطيها للي ئدامك، وبكل برودة بيئلك: واحد؟ 

لأ للباص كلو ولا تنسى الباقي  

*********************************

 أشّر بأصبعته الكريمة لتكسي، وفعلاً وقفلو العينتين، بيسأله: فاضي؟ 

لأ … عندي 10طلبيات، بس وقفت حيونة  

*********************************

 بدك تنزل من الميكرو: ‘عاليمين زكاتك …’ بتتلقى الرد: نـــازل ؟؟؟ 

لا والله … بس عم جرب صوتي 

   

يمكن من شي عشر سنين او اكتر ونحنا عم نتعلم بالمدارس وبالجامعات طريقة “توثيق نص” وبتلاقي كل مرة بينطلب فيها منا شي تقرير بننسخ شي شغلة من شي كتاب او موقع وبنقدمه بإسمنا!!!!! ما في مجال ابدا انو نتحسن ونبطل هالعادة السيئة

بجامعتي اخدت مادة كاملة عن التوثيق، ومع كل تقرير بنقدمه للجامعة لازم نوقع ورقة تعهد انو التقرير من كتابتنا وموثق بالشكل الصحيح، ولكن! لهلأ انا بكتب شي صفحة ونص من التقرير وباقي ال 8 صفحات او 9 صفحات بيكونوا منسوخين من النت بعرف كتير عيب بس مثلا بوثق شي اربع نصوص والباقي بمرقو هون وهون، وطبعا الدافع اني جيب علامة منيحة ولأنو وقتي بيكون ديّق كتير

اليوم فتحت على مدونة احد المدونين وفرطت على حالي من الضحك، ابداع هاد الشخص خلّى “صحفي” يقتبس كتابته وينشرها ولكن بدون توثيق! والمضحك انو هالزميل قرر يكتب ما يلي: بتسلّم عليك أمي وبتحكيلك إذا حابب تنسخ شي مكتوب هون، يا ريت تتكرم وتتركلي خبر ظريف مو؟

المهم، بتخيل مع الانفتاح الكبير ياللي صاير لازم نجبر حالنا على التوثيق، لأنو اقتباس اي نص بدون توثيق معناه سرقة ادبية وهاد شي بيعاقب عليه القانون، ومجرد انك تحط حالك بمكان الشخص اللي اقتبست كتابتو، رح تحس أديش صعبة انو حدا ياخد شغلك وتعبك وينشرو تحت اسمو الشخصي على البارد المستريح

ما رح احكي كتير عن الموضوع بس آخر الاخبار والنهفات انو طلع قوانين جديدة بتحاسب المراهقين على لبسن وشعرن!!!!! كيف عرفت؟؟ مبارح انشحط اخي الصغير على المخفر لأنو مطوّل شعرو، ووقع تعهد “بقص شعره” والمرة الجاية ازا مسكوه رح ينحبس 6 اشهر!!!  اما القانون التاني فهو ازا ضبط شرطي اي شب “منزل بنطلونو” يعني الخصر الواطي الجديد ياللي يا دوب علقان مدري كيف، رح يخالفو بمخالفة قيمتها 25 دينار.. بغض النظر ازا كانت هالموضة حلوة او بشعة، بعتقد انو في شي اسمو حرية شخصية! ولما بدهن يحاسبوا، يروحوا يخالفوا البنات ياللي يا دوب لابسين شي على جسمن، اصلا لو ما “تشليط البنات” كانوا الشباب بألف خير

عم حاول لاقي نص القانون الجديد، اول ما لاقيه اكيد رح حط الرابط، بلا ما نلاقي حالنا بالنظارة بكرا لأن لابسين كعب او لون غير مناسب بالبلد!! دمتم بديمقراطية

Update: Check this out! they still say it is rumours!!

I am in the middle of a true crisis and so damn busy with SOFEX2008 preparations. All people from KADDB in addition to our suppliers, clients and media companies are calling and asking for details. Aaaaaaaaaa, I feel so tired

انا حاليا بعز دين عجقة التحضير لمعرض سوفيكس وحاسة انو رح نتّف شعري (منيح ياللي حاطة حجاب،، خخخ) . كل العالم من مركز الملك عبد الله ومن الموردين والزباين وكمان شركات التصميم والديكور وإلخ… عم يتصلوا ويطلبوا معلومات.. آآآآآآخ تعبت خلص ما عدت اقدر

 ملاحظة/ لكل المهتمين فيكن تفوتوا على موقع سوفيكس تشوفوا تفاصيل المعرض وشروط الحضور. لازم تسجلوا وتاخدوا موافقة لحضور المعرض

http://www.sofexjordan.com/

وهي لتغيير الجو، اغنيتي المفضلة بالحياة

عدنا والعود أحمد J بعد ظروفي الصحية المأساوية بالعشر ايام اللي مضوا، المهم مضت القصة على خير، واكتشفت انو في لجنة متخصصة بالاخطاء الطبية ، بيقدر الواحد يتصل فيهن وبيعطوه كل النصائح والدعم النفسي اللي بيحتاجو “ضحية” الخطأ الطبي!! رح اكتب عن هالموضوع بالوقت المناسب

 هلأ بدي احكي عن الحرية الشخصية، بدي فش خلقي

 انا انسانة مسلمة ومحجبة، وبنفس الوقت منفتحة على الحضارات والثقافات التانية. بديت كلامي ب “انا انسانة” يعني قبل اي شي انا بني آدم، عندي مشاعر وافكار متل كل العالم، بعمل الصح وبعمل الغلط، بس ضمن اطار المعقول. يمكن اكترنا بيتقيد بالعادات والتقاليد اكتر من الدين، مع انو كتير من العادات غلط وبيتنافى مع المنطق. ما رح ناقش الصح والغلط، لأنو كل شي إلو مقياس ونسبة

ما بعرف ليش صايرة عم حس بالتمييز بين المسلمين والمسيحيين مؤخرا، بس اللي بعرفوا انو طول حياتي جيراننا كانوا الكنيسة والقسيس ياللي عايش فيها مع عيلته، كانوا اقرب الناس إلنا، وبحياتي ما حسيت انو في فرق بيننا، حتى أعز صديقاتي مسيحية، وهي اللي وقفت معي وقت تحجبت، بكل بساطة لأنو ديني بيطلب مني الحجاب. الحجاب مالو شي بيمنعنا عن الحياة او التفكير او التطور، انا بالنسبة إلي  رقم واحد انو الحجاب احد اساسات الدين الاسلامي، وتاني شي وبرجع بقول هي وجهة نظر شخصية، انو الحجاب طريقة لصون حالي من نظرات اللي بيسوى واللي ما بيسوى، والحجاب برأيي مالو شقفة قماشة صغيرة بتنحط عالراس وبعدها بننسى انو لسا في رقبة بدها تتغطى وفي كتير اشياء لازم تتغطى، يعني هاد الديق والقصير والملون والقصص مالها حجاب!!! وبتقللك منيح مني ياللي حاطة حجاب، لأ ستي ما حزرتي، بلاه احسن، خانقة حالك في عالفاضي، وكل ما يشوفك حدا رح يقول هاد هو الحجاب؟ وشو هالتخلف؟ ورح ينحكى على ديننا اكتر واكتر، قلك شو، اسطفلي، ما دخلني، الله اللي بيحاسب انا بس بنصحك لأني بخاف عليكي وعلى ديني. انا مالي بالعادة دافع عن شي بالهجوم على شي تاني، بس يا اخي اتركونا على حريتنا، ننمحق، متل ما الراهبات بيلبسوا حجاب وتوب طويل ومستر (ما يبلوا ان شا الله، والله انا بيتاخد عقلي فيهن)، خلينا نحنا نسطفل ونلبس اللي بدنا ياه

 والله تعبت من هالعالم اللي بتضلها تنتقد، على قولة المحجبات يا لطيف شو مخبيين تحت هالحجاب، اكيد اهلها غصبوها عالحجاب، هي اللي لابسة حجاب روح الحقها شوف شو بتعمل… لك اخي انت شو دخلك؟ عم بتأثر على حياتك شخصيا؟ واقفة بحلقك شي؟ تنمحق، بكرا ربنا بيحاسب الكل، ولا اتعينت محاسب على اخطاء الناس كونك الانسان المثالي؟؟؟؟ 

بعدين حاجة تنتقدوا الدين، وحاجة بقا يا “مسلمين” تقولوا انكم مقتنعين بشي ومو مقتنعين بشي تاني، هاد كتاب منزل ومقدس، مالو شي قصة ولا كتاب، ومالو شي مفصّل على أد فلان ورغباته. بديننا في شي حلال وفي شي حرام، هدول ما فيهن نقاش، ممكن ناقشك بالمشتبهات بس برجع بقول كل واحد قلبو دليلو، وكل واحد رح يتحاسب عن حالو، والحساب عند ربنا مو عند فلان او علتان. بدك تعمل حرام، اسطفل، نحنا علينا ننصحك، بس بالاخر انت اللي رح تتحاسب، ومشان هيك مو ضروري تدل غيرك عالحرام، لانك رح تتحاسب الضعف. هي قوانين الدين وانت تابع لهالدين والمفروض تلتزم، متل ما بتلتزم بقوانين شركتك، ومتل ما حضرتك بتلتزمي بلباس الشركة الفلانية للطيران شو ما كان شكلو او لونو لأنو هاد عملك

 انا بس بدي شغلك وحدة، انو حاج بقا تنتقدوا، لأنو هدول الناس اللي بس عايشة لتنتقد ما حدا بالعالم بيحبها او بيحب يكون قريب منها، مالو شي مريح بنوب. وطالما مو مأثرين عليك وعلى حريتك الشخصية ضمن اطار معين، ما دخلك.. ايه نعم، ما دخلك!! لو فعلا خايف على فلان من الناس، فيك تنصحه وبأسلوب متل العالم، بس سبحان الله، في ناس بتنتقد لمجرد الانتقاد، سآلة يعني!

I was just watching a movie at mbc4, of course an old one, it is called Bed of Roses.. I just noticed how flowers cheer up people, no matter when, where or even from whom, it just has a magnificant impact on us.. So, I thought about posting a bunch of flowers to all people who might pass by to cheer them up.. Have a nice moment

Well I’ve been tagged again, this time by Qabbani.

3 sounds that I don’t like or actually I consider noisy:

أففف، داق خلقي من الانجليزي، ايه 3 أصوات ما بحبها ولا بقدر اتحملها

صوت حدا عم ياكل وتمّو مفتوح، شوي كتير ما بتفرق، المهم الصوت بيكون واضح وأنا بحس حدا عم بيدق على عصبي

صوت الطبشور على الحيطان، يعني حتى بعد ما اخترعوا اللوح الابيض والقلم لسا عندي مشكلة بالصوت كلّو سواء من الطبشور أو القلم

صوت موسيقى بنص الليل وأنا نايمة، بحس حالي صرت بفلم رعب وبقصر الاشباح

وياللا اسمحولي بصوت رابع، صوت ابو طبلة، المسحراتي بيك، عندي عقدة منو ورح تبقى لآخر يوم بحياتي، الله يبعدو ويخلليلنا المنبه (ياللي بغير رنتو كل فترة حتى ما يصير عندي عقدة منو، لول) ـ

 I now tag: Dina, Naryat, Jumana

Kaman ana been tagged by Jumana, lets see what I can mention..

 

1. Stay in the basket ball team or any other kind of sport teams of school (maybe if I did that I would have been a little bit taller than now, lol)

2. Laugh alot and enjoy every single moment of life.

3. Knock on the doors of neighbours and run away (it’s so much fun, I tried it 2 years ago, hehe).

4. Memorize Quran coz it is much easier to do so when you are younger.

5. Choose the right friends coz school friends are special and forever.

6. Be crazy and do whatever that comes to your mind as long as it isn’t wrong in your religion.

Now let me tag Dina

 I was looking at a picture today when I realized that I miss alot of people and places.

I miss my Prince Charming, my home in Damascus, Damascus it self, my brother and his kids, my aunts, my uncles and finally my friends..

I guess this is life, you miss someone or something everyday and you can’t have everything around or it would be a perfect life, right?

I know this might sound sad but al7amdulillah I have faith and I have hope that one day it is going to be alright somehow So,,,,, I am happy and so much ok!

To all people whom I miss, I just wanted to say that I Miss You and wish that you are ok wherever you are..

يدعوها “ملهمته” ولست أدري إن كانت فعلا تستحق ذلك اللقب، فهي لا تفعل أو تقول إلا ما يمليه عليها قلبها، وليس القلب في غالب الأحيان مصيبا بما يمليه عليها، فكيف تكون ملهمته إن لم تكن تمتلك الصواب من الأفكار؟ ربما تلهمه بحبها وقلبها، فالأهم أنها تحبه، وقد تفعل أي شيء لتسعده وتساعده، حتى لو كان ذلك سببا لمأساتها أو تعاستها،، فالمهم،،، هو، هو فقط

هو الوطن بعد غربة مريرة، وهو اللقاء بعد شوق طويل، هو أمير ساحر يأخذ الأبصار برقيّه وسمّوه وعدله، هو ذلك الرجل الذي أتى لينصفها بعد ظلم طويل… فكيف.. كيف لا تحبه؟ وكيف لا تعشقه؟ وكيف لا تعيش على نبضات قلبه؟