عنوان غريب بس فعلا حاسة حالي بالمدرسة وقضينا كل الحصة ونحنا عم نتبهدل. اليوم مدري شو صاير لمديري، من الصبح صوتو طالع، فتت عالشركة ولقيتو عم يبهدل المحاسب، بعد شوي اجت السكرتيرة وتبهدلت، بعدين اجا مدير المشتريات المحلية وتبهدل، وبعدين،،، اجيت انا بس الحمد لله ما تبهدلت بشكل خاص، بس لما وقف بنص الشركة وصار يصرخ ويبهدل الكل اكيد اجتني طرطوشة

الغريب انو كتير من الناس ياللي بتملك شركات او بيكونوا مدراء شركات، بيتحكموا بالموظفين بشكل بايخ

انا مثلا شغلي من ال 8 لل 6 وعندي من ال 2 لل 4 بريك غدا، لما اطلع بهالوقت هالشي ما بيعجب مديري ابدا، انو حبكت تطلعي عالدقيقة! بينما لما اتأخر عن شغلي 10 دقايق بيخصم عليي يوم! وأكيد طبعا ما بيشوف اني احيانا بتمرق عليي ايام واسابيع وانا عم داوم لل 7 او 7.30

دائما مطالبين بالالتزام، ولما نلتزم ما بيعجب حدا انك ملتزم بالوقت عالدقيقة وقت بدك تطلع، دائما بينخصم عليك بس اكيد ولا مرة بيتفضل حضرة المدير بيحسبلك وقت اضافي “اوفر تايم” يمكن صارت القصة سياسة مفروغ منها

ايه، خليني روح كمل حصة البهدلة وأمري ل الله 

ملاحظة، مالي طايقة الوورد برس الجديد لأنو ما عم بعرف حط صور من الكمبيوتر ما حبّيت